Salmo 143:4-11

⁴Dutun ne naawà is perateng ku ne utew a neherati.

⁵Iyan, dutun daan netenuzan ku is nengehimu nu ziyà te nengehuna he timpu. Ne egngunngunuen ku heini is langun,

⁶umbe imbayew ku is menge velad ku zuma te ked-ampù he edhenduen te: Nenginahanglan a kenikew Nengazen! Ne iring e en te utew memaza he tanà he egkinahanglan te wahig.

⁷Segugunà a tevaka, Nengazen. Naawè en is perateng ku. Kenà a kenikew elesi su kela ke ibpatey ku.

⁸Kada meselem, ipetentenuzi nu kedì is kebmahala nu kedì. Su iyan ke zà midseriǥan ku. Ipenuru nu kediey is hustu he paaǥi te kedsunud ku kenikew. Su iyan ke zà ed-empuen ku.

⁹Luwasa a, Nengazen, te kedezaat kedì te menge kuntada ku, su iyan ka midhengyuan ku he mebpengalang kedì.

¹⁰Ipenurù nu kedì is paaǥi te kedtuman te egkesuatan nu, su iyan ke man Megbevayè ku. Berakat he is hihizuwen he Mulin-ulin nu iyan megiya kedì pehendiyà te dezeyaan he kebpekesavuk.

¹¹Luwasa a, Nengazen, su wey ka mezeliǥi. Geina te metazeng ka, luwasa a te kelised ku.