Salmo 139:9-12

⁹Emun be e zà ebpekelayang ne edlayang a pehendiyà te edsilaan etawa ziyà a ed-ubpà te utew meziyù he ziyà te edsenlepan,

¹⁰ne zutun ka is ed-aǥak wey edtavang kedì.

¹¹Minsan mebpetambun e pa te merusirem wey minsan meveeli pa he mezukilem heini is kerayag he nekeliǥuy kediey kenà a ebpekeeles.

¹²Su minsan is merusirem ne kenà merusirem diyà te kenikew, ne is mezukilem iring ded kerayag te maandew.