SALMO 139:1-10

¹A, Tata Dios, sukaman allita kawawashkanki yachanaykipa allitachu manachu ruraykani nishpa. Sukaman allita riksiwanki.

²Kan yachanki tukuy ima ruranaynita. Kanmanta karupi kaptinipish tukuy yuyanaynita yachanki.

³Maymanpish riptini maypipish samaptini tukuy ruranaynita yachanki.

⁴Manara nimata rimaptinira kan yachanki imatami rimanayani nishpa.

⁵Allita chawpichawashpa kuydawanki. Makikita ñukapi churanki yanapawanaykipa.

⁶Chaykunata yachashpayni sukaman almirani. Mana atipanichu entiendiyta imashnami chashna kuydawanki nishpa.

⁷Chashna sukaman kuydawaptiki mana atipanichu Espirituykimanta pakakuyta. Ñawpaknikimanta mana atipanichu pakakuyta.

⁸Sieluman riptinipish chaypimi kawawanki. Wañudukuna rinankunaman riptinipish chaypimi kawawanki.

⁹Inti llukshimunan partiman riptinipish inti yaykunan partipi manllayba kochaman riptinipish chaypipish kawawanki.

¹⁰Tukuy maymanpish riptini tariwanki. Alli ladu makikiwan apiwashpa purichiwanki.