Salmo 137:3-9

³Su ibpekanta key te menge mibihag kenami. Midsuǥù key zan te kedlangan kandan. Ke sikandan te, “Kentahi key te kanta he mehitenged te Zion!”

⁴Ebmenumenu key te kegkanta te kanta mehitenged te Nengazen diyà te tanà te menge mibihag kenami?

⁵Berakat he kenè ku en mewaleng is kewanan he velad ku ke egkelipatan ku is Jerusalem!

⁶Berakat he kenà ad mekekaǥi emun kenè ku edtentenuzan wey ed-isipen he iyan ebpekeveǥey kedì te zekelà he kelipey is Jerusalem.

⁷Tentenuzi nu, Nengazen, is mibeelan te menge Edomnen hein mid-aǥew te menge tig-Babilonia is Jerusalem. Migkaǥi zan te, “Purungi niw heeyan bengkaǥa.”

⁸Sikiyu is menge meǥinged te Babilonia, edezeetan kew! Utew zeyzey is menge etew he ebales keniyu tenged te mibeelan niw ziyà te kenami.

⁹Utew zeyzey is egkuwa te menge anak niw ne idrumbag dan diyà te vatu.