Salmo 135:6-18

⁶Amagena amin ay laydena ed langit ya isnan daga, sin baybay ya sin lanad na.

⁷Ipakayang na di liboo sin addawi ay solsolin di daga, kimat ay kakoyog di odan yan pawadaena, pabelaena abe din dagem sin pangidoldolinana.

⁸Ed Egipto yan pinse na amin ay besag di ipogaw ya animal da.

⁹Sinyal ay nakaskasdaaw et inpaipaila na ay manosa sin ari ya din amin ay tuturay na.

¹⁰Ad-ado ay nasyon di dinadael na, napipigsa ay ari yan pinse na:

¹¹din arin di Amorreo ay si Sihon, si Og ay ari ed Basan ya amin ay ari ed Canaan.

¹²Inpatawid na din daga da sin Israelita ay ipogaw na.

¹³Adi polos malinglingan din ngadan Diyos Apo, sin amin ay ipogaw et mandinamag to.

¹⁴Tan ikalintegan Diyos din ipogaw na ya seg-angana din mansilsilbi en sisya.

¹⁵Ngem din didiyosen di odom ay nasyon isnan daga et owat inamag di ipogaw ay balitok ya palata.

¹⁶Adi da makakali olay mo waday tepek da, waday mata da ngem adi dan makaila.

¹⁷Adi dan makadnge olay mo waday inga da, maga dedan di biyag da.

¹⁸Mais-o koma sin didiyosen ay sana din nangamag ya mantalek en daida.