Sale 95:1-11

¹Ko nato Bada ta kasaḡesaḡe, mayasisida taulabeda Maimaituwa lisinemo ta sale.

²Ta nato mayasisida Bada tai ebone, ta sale bi ta kasaḡesaḡe.

³Bada tana Maimaituwa ḡaiḡailisina, ḡalibona ḡaiḡailisina mote mai maimaituwa ḡesaudi.

⁴Tana dobu matabuna ya waibadaye, doḡa dibuna te dabana bi kota oya lofelofedi matabudi ya waibadayedi.

⁵Tana nisa i voivoiyena bi kota doḡa i patipatina ya waibadaye.

⁶Ko nato Bada, matanemo iwada ta taunokudi, taupatida lisinemo tuwapekada tai tupagwaliḡedi bi ta lauduneye.

⁷Tana eda Maimaituwa bi ena lava tada ya labelabe kauweda, maibena tauḡamo sipu ya labelabedina. Niganana ba tana taunana kalinana ta vaiye. Tana ya giugiuna gado,

⁸“Nopomi mote koma gududi maibena emi magumagula sauginemo Melibamo, Masa kalakalalelenemo a voivoiyena mainana.

⁹Tedi kaikana bai aubaidi e voivoiyena a kita, mba sauginemo tedi mote ai sumaḡegu bi yaḡolo te a laulaulubugu.

¹⁰Tagu niga lavedi e mediyedina ba kwalabu 40 a kovi, bi e giuna gado, ‘Niga lavedi a miya tautauliyegu, bi egu giuvavasaḡa mote sima kaikaiwatedi.’

¹¹Taunana aubaina e medi bi lisidimo e giuwapana gado, ‘Tagu aubaimi dobu e vononoḡe te maso ḡome konai yawasina bi niganana mote yàmai aninemi te ḡome koma solasaḡa.”