Sale 90:2-8

²Maimaituwa tam wala, niḡanana bi yaḡolo mainana miyamiya nonoḡim, muliḡa kaka oya bi dobu matabuna kuna voiyedi.

³Tam lava kuna giuwemaina gado, “Ko munaḡa doḡamo! Bi doḡamo kuna voivoiyemaina kota kamunaḡa.”

⁴Tam matammo, kwalabu 1,000 ba maibena laḡan ḡemota, bi kota maibena ka sula kena te laḡan ya sakosakona.

⁵Tam lava edi yawasana kwa kaikaikamaḡe makaiyedi, maibena lauboni wainuwakaukauleyana. Lava ba maibena belana,

⁶olaolalemo ya duga kauwa te ya buso, bi aubigamo ya welai te ya peki.

⁷Mainana tama em medi dididiga ya yovona ba ka launeḡaneḡa, tama ke naile gulatem.

⁸Tam ema gebogebo matabudi taukitedi, tama kasivusivu waidavonedi bi geḡa te tam matabudi kwa kitekitedi.