Sale 51:2-19

²Egu gebogebo kwa koḡa kamaḡedi, maibena lava gala milemiledi sa koḡekoḡedina.

³Egu kauwa gebogebodi yà noḡotiwatedi, bi laḡan matabuna sa taitai noḡonoḡotigu.

⁴Tagu gebogebo taumḡa lisimmo e voiye, egu kauwa matammo i gebo. Taunana aubaina kuna giuweguna gado, ‘Tam gebogebo kuna voiye!’ Mba kuna giukauwa. Sauginemo kuna kovoḡiguna, mba kauwa didimanina kuna voiye.

⁵Tagu gebogebo vaitena tinagu bwaganemo, bi gebogebo vaitena tinagu i bewagu.

⁶Bi kuna ḡoe te em giukauwa taunana maso nopogu i waiwanavu, bi kunugu maso em nuwauyauya kunai wanavu.

⁷Egu gebogebo kwa koḡa kamaḡedi bi yà sabusabu, kwa koḡagu bi yà yana gulata.

⁸Kwa giuwegu te egu gebogebo kuna noḡotikamaḡedi bi giukauwemo yài nuwavisu. Tam kuna lauyovoḡegu, bi niganana kwa voiyegu te yai nuwa visu munaḡa.

⁹Egu gebogebo kuma kitekitedi, bi egu mila matabudi kwa koḡa kamaḡedi.

¹⁰Aee, Bada nuwapou valivaliuna kwa vitegu, bi Aluwim ḡaiḡailisina nuwapougumo kwa sako.

¹¹Bada tagu lisimmo yà miyamiyana mote kuma kwavivaigu yàma nawa, bi lisigumo em Aluwa Waiyawa mote kuma kaikamaḡe.

¹²Em yawasanamo kwa laivaliugu, maibena dolinemo kuna waiyawasaguna mainana, bi kwa voiyegu te nuwagu tabutabunemo yà vivilem.

¹³Mba mainana kaka gebogebo lavedi em eta yai lovedi, te sa nuwavitala lisimmo.

¹⁴Oo Maimaituwa, tagu e nima kwasina, kwai yawasanigu bi kwa moito galamegu, kaka ma yasisigu em kauwa didimanidi yà sale watedi.

¹⁵Oo, Bada mudugu kwa taukoni, te yà kasaḡesaḡem.

¹⁶Tagu ḡamoḡamo yà lausewasewaye lisimmo bi tam mote em ḡowana mba taudidi. Tam mote sewasewa mba mainana kitedi kuma ḡoeḡoedi.

¹⁷Tam sewasewa laukaina kwa ḡoeḡoena, ba laḡannemo tagu yà sako yovoḡe munaḡegu bi yài waibaḡam te egu gebogebo kwa noḡoti kamamaḡedi. Oo, Maimaituwa, laḡannemo lisimmo yà laukuvasana mote kuma miya tautauliyegu.

¹⁸Bi Saiyon malagaina kwa kavisuvisu bi ena lava kwa sagudi, bi Yelusalem ganakukuna kwa laivaliu munaḡedi.

¹⁹Bi lava nopodi visuvisudimo sa lausewasewa bi tam lisidimo kwai nuwavisu, bi sewasewa tabudi bi tabudi lisimmo sa gabudi, bi kau olta dabanemo sa lausewasewayedi.”