SALAMO 96:2-10

²Ane avabia, Iehova ena; ia ladana ba hanamoa; daba daba iboudiai ena hahemauri ba herevalaia,

³Tanobada besedia bogaragidiai ia hairaina ba gwauraia hedinarai, ena hoa karadia danu taunimanima iboudiai bogaragidiai.

⁴Badina be Iehova na bada ia ihanamona danu baine bada; ia mo bae matauraia, dirava idaudia iboudiai na basie matauraidia.

⁵Badina be bese idau-idau edia dirava na kaivakuku mo, a Iehova ese guba vada e karaia.

⁶Hemataurai bona heimodai na ia vairanai, goada bona hairai na ena dubu ai.

⁷Bese idau-idau taumui kikina badana, Iehova ba herevalaia, hairai bona goada ba gwaurai, Iehova ena;

⁸hairai ba gwauraia, Iehova ladana ena, boubou ḡauna ba mailaia, ena ikoukou ai ba raka vareai.

⁹Dabua helaḡadia ai Iehova ba toma henia diho; tanobada idoinai, ia vairanai ba heude-heude.

¹⁰Bese idau-idau bogaragidiai baoto: Iehova na pavapava. Oibe, tanobada vada e haginia, basine marere ela bona hanaihanai. Ia ese tanobada besedia baine hahemaoro henidia, mai maoromaorona ida.