SALAMO 92:5-13

⁵Lohiabada e, oi ese oi karaia gaukara be bada herea momokani, bona oiemu laloa be dobu herea momokani.

⁶Mai ena lalona lasi tauna be do ia diba lasi, kavakava tauna danu ese, inai gau ena anina ia davaria diba lasi:

⁷Kara dika taudia be do idia tubu daekau, ava idia tubu daekau bamona. Bona kerere idia karaia taudia, be kohu momo bona noho namo idia abia diba, to oi ese idia do oi hadikaia ore.

⁸Badina oi, Lohiabada, be King Badana do oi noho ela bona hanaihanai.

⁹Lohiabada e, ai diba oi dekenai idia tuari henia taudia, be do idia mase, bona kara dika taudia ibounai be oi ese do oi halusia.

¹⁰Oi ese lau dekenai goada oi henia vadaeni, uda boromakau tau ena goada hegeregerena. Oi ese lau oi hanamoa, vadaeni moale lau davaria.

¹¹Lau itaia vadaeni, lau idia hadikaia gwauraia taudia, be oi ese oi halusia vadaeni, bona lau kamonai vadaeni danu, lau dekenai idia kara dika taudia, edia taitai.

¹²Kara maoromaoro taudia, be do idia tubu daekau namo herea momokani, huahua namodia ia atoa au namona bamona. Do idia tubu daekau, Lebanona sida auna ia tubu hegeregerena.

¹³Kara maoromaoro taudia, be Lohiabada ena Ruma dekenai idia hadoa audia bamona. Iseda Dirava ena Ruma lalonai, be do idia tubu daekau namo herea momokani.