Salamo 91:2-9

²ia abo i ribalau GUIAU arinai i ene, “Egu aba dago lolona eo egu aba mia adiadidirina, egu Eaubada, egu sunuma ea tore esegai arim eai.”

³Paana ia manu siposipona arinai abo i saguhaim, asiebo baaea eai hinage;

⁴goina eai abo i buburim, eo mabena ubuna eai em aba ailogulogu abo u lobai; ena riba hemamohoiena opea gagirina eo opea lailaina ede.

⁵Maiona hematausina ginaurina taba nige u matausiei, asubena eai pidu se tu hinage taba nige’e,

⁶baaea lailai masigiri eai ie sae ie dobi taba nige u matausiei, asubenalai eai sabom i hebaaea hinage taba nige’e.

⁷Tausani gegesim eai abo se guri, tausani saudoudoi nimatutum eai hinage, na taba nige iwala wa i laoa oa gegesim eai.

⁸Matam eai mo abo u aiaiewa laulau gewagewa tataodi edi maisa abo u ita.

⁹Paana GUIAU ue abi em aba dago lolona, Saesae Aririna ia em abahomo