SALAMO 88:7-14

⁷oiemu badu na metau lau latagu ai, emu hurehure iboudiai ese vada e habubunigu. (Selah)

⁸Bamogu na lalodia vada o ani, bena e dadaraigumu; hahegari ḡauna ai vada o halaogu ediai. Vada name hekou ahu, asi egu roho mauri dalana;

⁹matagu vada eme valahu-valahu, Ialo-hisihisi dainai. Iehova e, dina iboudiai na boi henimumu, lau imagu na oiemu ai na toi roro henimumu.

¹⁰Hoa karadia o karamu mase taudia edia, eiava mase taudia laulaudia na oi ihanamomu totona e tore isimu a? (Selah)

¹¹Mase gurina ai oiemu hebogahisi e gwauraia hedinaraimu, eiava dobu masemase gabuna ai oiemu heabidadama sivaraina e gwauraiamu a?

¹²Dibura gabuna ai oiemu hoa karadia na mai dibadia, eiava helalo-boio tanona ai oiemu hahemauri karadia na e helalo taomu a?

¹³Iehova e, lau oi na tai henimumu, daba ai egu ḡuriḡuri e dae vasimu.

¹⁴Iehova e, dahaka dainai vada o kahugu nege? Dahaka dainai oi vairamu na egu ai o huniamu?