SALAMO 85:5-12

⁵Ba badu henimai hanaihanai a? Emu badu ba hadaudaua ela bona uru iboudiai a?

⁶Emu bese taudia bae moalelaimu totona basio hamaurimai lou a?

⁷Iehova e, emu hebogahisi na emai ai ba hahedinaraia, emu hahemauri ba henimai.

⁸Ḡaubada Iehova ena hereva mani aina kamonai; badina be ia ese maino herevadia baine gvaurai, ena orea taudia ediai, ena helaḡa taudia danu, lalodia ai ia e haḡereamu taudia, ediai.

⁹Momokani, iena hahemauri na ia e gari heniamu taudia ediai e kaumu, hairai na emai tano ai baine noho helaoreana.

¹⁰Hebogahisi bona heabidama bae hedavari, kara maoromaoro bona maino bae haherahu heheni.

¹¹Heabidadama na tano amo baine tubu, kara maoromaoro na guba amo baine igo dobi.

¹²Momokani, Iehova ese ḡau namodia baine henimai, bona emai tano ese anina baine hatubua.