1Oa em abamia, i lolo ariariri tauiala moutuana GUIAUNA e!
2Hedeomi, earuagu i gadohi ariri eo i amna baaea GUIAU ena abamia bena i lage arinai; nuagu eo bulumagu se wana ma kodedi Eaubada maumaurina arinai.
3Manu gagiridi edi abamia se lobaidi, manu hinage se abinoi, bena nanatudiyao edi abaota, oa em aitalasam hatahatana, tauiala moutuana GUIAUNA e, egu Wasawasa eo egu Eaubada.
4Aidimo em numa eai se mia wa nuadi se kode, huia gamagari em aihelahui se wanaidi!
5Tatao wa edi adidiri se abi oa arim eai abo se kode ariri, isi nuadi eai Siona ena dobila saesaedi!