SALAMO 82:2-7

²Ia gwau, “Umui ese kota hereva do umui hagagevaia noho ela bona edena negai? Umui ese kara dika taudia do umui durua noho ela bona edena negai?

³Umui ese manoka taudia, bona edia tamadia sinadia be lasi maragidia do umui durua. Ogogami, bona dagedage taudia ese idia hisihisi henidia taudia, edia dala maorona, be kota dekenai do umui gwauraia.

⁴Goada lasi taudia bona mai edia gau lasi taudia, be do umui hamauria, bona tau dikadia dekena amo do umui veridia mauri.

⁵To umui be gau ta umui diba lasi, umui be gau ta ena anina umui davaria lasi. Umui be dibura dekenai umui loaloa kava noho. Unai dainai taunimanima ese, kara maoromaoro dalana idia badinaia lasi.

⁶“Lau gwau, ‘Umui be dirava. Umui ibounai be Siahu Ibounai Dirava ena natuna.’

⁷To umui ibounai be taunimanima hegeregerena do umui mase. Emui mauri be do idia ore, king ena natuna ena mauri do ia ore hegeregerena.”