59Inai bamona idia karaia, be Dirava ese ia itaia neganai, ia badu mai siahu danu. Unai dainai ia ese Israela taudia ia negea momokani.
60Vadaeni Dirava ese iena Palai Dubu, Silo dekenai ia noho gauna ia rakatania. Unai Silo Palai Dubu, be taunimanima edia huanai Dirava ia noho guna gauna.
61Bona Dirava ese, Israela taudia dekenai idia tuari henia taudia ia koua lasi, unai dainai idia ese Taravatu Maua idia abia. Inai Taravatu Maua, be Dirava ena siahu bona iena hairaina ena toana.
62Io, Dirava ese iena bese korikori taudia dekenai ia badu, bona idia dekenai idia tuari henia taudia ia koua lasi, unai dainai Israela taudia momo idia mase.