SALAMO 78:4-9

⁴Besedia edia amo basia hunidia, a Iehova ena kara herea-daedia bona ena goada, bona hoa karadia ia ese vada e kara, uru gabena taudia baia hamaorolaidia.

⁵Ia ese haheḡani e atoa Iakob ena, bona taravatu na Israel e henia. Bena seneda e haḡanidia, idia ese natudia bae hadibadia eto;

⁶uru gabena taudia bae diba totona, do asie vara memerodia danu; bena idia na bae tore isi, natudia ma bae hamaorolaidia.

⁷Unu amo Dirava bae laroa, bona Dirava ena ḡaukara basie laloa boio, a ena haheḡani bae badinadia.

⁸Unu amo danu tamadia ida basie heḡereḡere: lalo-auka bona gwau-edeede uruna bunai, lalodia asie hadai maoromaoro uruna, laumadia ese Dirava asie badinaia.

⁹Efraim taudia mai edia peva na tuari dinana ai e lou.