SALAMO 77:3-18

³Dirava na laloamu, bena na ḡanaḡanamu; lalogu na hadaiamu, bena laumagu na e dauremu. (Selah)

⁴Matagu kopidia o dogo taomu, basie kapu; egu hekwarahi e badamu dainai basina hereva dibamu.

⁵Dina gunadia na haerodiamu, vada e lao bubuni laḡanidia na lalodia taomu.

⁶Hanuaboi ai lalogu na tahuamu; lalogu na hadaiamu, bona laumagu na tahuamu.

⁷Ḡaubada baine dadaraigu hanaihanai, nega ta basine lalo namo henigu lou a?

⁸Ena hebogahisi vada e doko vaitani, ena gwauhamata vada e doko ela bona hanaihanai a?

⁹Dirava ese harihari-bada vada e laloa boio, ena badu ese ena hebogahisi vada e laoa ahu a? (Selah)

¹⁰Lau na tomamu “Egu lalo-hisihisi binai, Herea Mikamika ese imana idibana na vada e ha-idaua”.

¹¹Iehova ena kara baina lalodia une; oibe, oiemu hoa karadia gunadia baina lalodia tao.

¹²Emu ḡaukara idoinai baina lalo-hadailaia, emu siahu karadia danu baina haerodia.

¹³Dirava e, emu dala na helaḡa. Edena dirava na emai Dirava idaina?

¹⁴Hoa karadia ikaradia Diravana na oi, oi ese emu siahu vada o hahedinaraia, bese idau-idau bogaragidiai.

¹⁵Oi imamu amo emu bese taudia o hamauridia, Iakob bona Iosef garadia.

¹⁶Dirava e, ranu ese e itamu negana ai, ranu ese e itamu negana ai, ia na e gari; oibe, dobu gabudia e heude-heude.

¹⁷Ori ese medu e hadihoa, guba danu e rahua, bona emu kevaru e kevarua isi, kaha iboudiai.

¹⁸Emu guba rahurahu e makohi dagu, koea hirihiri lalonai, emu kevaru ese tanobada e hadiaria, tanobada e marere-marere bona e heude-heude.