SALAMO 75:3-10

³Tanobada mai inoho-henina taudia iboudiai ida e raragararagamu negana ai, lau ese na imudadiamu. (Selah)

⁴Hekokoroku taudia na hamaorodiamu, na tomu “Basio hekokoroku”. Kara dika taudia na hamaorodiamu, na tomu “Doamui basio abi isi;

⁵doamui basio dudui isi atai ai; basio hereva aio haboḡe isi”.

⁶Heabi-isi na dia dina-dae gabudia amo eiava dina-diho gabudia amo, bona dia tano ḡaḡaena amo se maimu;

⁷a Dirava ese hahemaoro e karaiamu, ta e atoa dihomu, ma ta e abia isimu.

⁸Badina be kehere ta na Iehova imana ai, lalonai vine ranuna na kakakaka, e buloa namonamo ḡauna; ia ese baine seia, bena tanobada ena kara dika taudia iboudiai ese bae inua ore.

⁹A lau be baina moale hanaihanai, Iakob ena Dirava ihanamolaina anedia baina abi.

¹⁰Kara dika taudia doadia iboudiai ia ese baine utu oho, a kara maoromaoro taudia doadia bae heabi isi.