Text copied!
CopyCompare
Buk Baibel long tokples Motu - SALAMO - SALAMO 73

SALAMO 73:5-26

Help us?
Click on verse(s) to share them!
5Idia na asie hisihisimu, haida heḡereḡeredia, bona se gorerediamu, haida bamodia.
6Taunabunai, hekokoroku na aiodia agevana, daḡedaḡe ese e ḡovadiamu, dabua na heto.
7Matadia na digara ese e hagudu lasimu, kavakava na lalodia amo e hepurai dobimu.
8Idia na hevaseha bona badu herevadia e gwauraimu, atai gabudia amo dagedaḡe herevadia e gwauraimu.
9Ududia reḡedia na guba ai e daemu, maladia reḡedia ese tanobada e hahonuamu.
10Taunabunai, taunimanima e gini kerehaimu, e hanamodiamu, ediai kerere ta asie davariamu.
11Idia na e tomu “Dirava na ede baine diba toma a? Herea Mikamika na mai dibana a?”
12A itaia, kara dika taudia bini; asie hekwarahimu, to edia taḡa e bada e laomu.
13Asi badina lalogu vada na haḡoevaia, asi badina imagu na kerere amo vada na huridia;
14badina be dina idoinai vada na hisihisi, daba iboudiai hisi na animu.
15Bama toma “Unu baina hereva toma”, natumu na edia uru ai bama koidia.
16To na haeroa ede baina dibaia toma negana ai, ita-itana egu ai na hekwarahi ḡauna;
17ela bona Dirava ena gabu helaḡana nala, bena edia doko daladia na diba.
18Momokani, oi ese dedidedi gabudia ai o atodiamu, o habuadia tarimu;
19vada e hebua tari haraḡa-haraḡa, gari ese vada e butudia tao.
20Idia na nihi na heto, e noga tauna enai; o nogamu ai nihi ai o ita ḡaudia o dadaraidiamu.
21Laumagu e hisihisiva bona lalogu na e kodoava negana ai,
22lau na kavakava bona mata-lahui, lau na boroma na heto, oi vairamu ai.
23Ḡau tamona, lau na hanaihanai oi ida, oi ese imagu idibana o dogoa taomu.
24Emu sisiba amo o hakaugumu, gabe amo hairai ai bavabigu dae.
25Guba ai daika baina davaria? Oi mo sibomu. Tanobada ai ḡau ta asina ura heniamu, oi mo sibomu.
26Hidiogu bona lalogu bae manoka, a Dirava na lau lalogu ena goada, bona lau ahugu ela bona hanaihanai.

Read SALAMO 73SALAMO 73
Compare SALAMO 73:5-26SALAMO 73:5-26