SALAMO 69:3-14

³Lau vada na tai mase, gadogu eme haurahaura; matagu vada e valahu-valahu, egu Dirava inarina ai.

⁴Kwaragu huidia na gagadoi, asi badina e inai henigumu taudia na hutuma; bae hamasegu e tomu taudia na gogoada, edia koikoi amo e hadikagumu taudia na gogoada. Asina henaoa ḡauna na harihari baine haloua a?

⁵Dirava e, egu kavakava be dibamu, egu kerere na oiemu amo se hehunimu.

⁶Ḡaubada e, Iehova Sabaota e, ba durugu, oi e laromumu taudia na basie hemarai lau daigu ai. Israel Diravana e, ba durugu, oi e tahumumu taudia na basie hahemaraidia lau daigu ai.

⁷Badina be oi daimu ai haida ese vada e gwau henigu; oi daimu ai hemarai ese vairagu vada e ḡovaia.

⁸Tadikakagu ediai idau tauna ai vada nala; sinagu natuna ediai idau bese tauna ai vada nala.

⁹Badina be emu ruma iura-henina ese vada e hamasegu, bona oi e gwau henimumu taudia edia gwaugwau na lau latagu ai vada e kau.

¹⁰Anivaga amo laumagu na hamanaua negana ai, una na ihahemaraigu ḡauna ai ela;

¹¹Guma dabuadia na dokilai negana ai, idia ese e ihi-ihiraigu.

¹²Hanua ikoukouna ai e helaimu taudia ese e herevalaigumu, kekero taudia ese edia ane ai e herevalaigumu.

¹³Iehova e, oi mo na hahanemu, Dirava e, nega namona ai na hahanemu; emu hebogahisi bada-herea amo ba haere henigu.

¹⁴Emu hekaha momokanina amo ba harohogu mauri, kopukopu ai baina hepuni na garina; lau inaigu amo ba hamaurigu, bona ranu dobudia amo danu.