SALAMO 66:1-14

¹Tanobada idoinai, Dirava ba hisi dae henia;

²ia ladana hairaina anedia bavabi, ba imodaia badabada.

³Dirava ba hanamoa, baoto: Emu kara na hahegari karadia. emu siahu na bada herea, oi inaimu na vairamu ai e gari igo dihomu.

⁴Tanobada idoinai ese oi e toma henimu dihomu, oi ihanamolaimu anedia e abimu, oi ladamu iheatolaina anedia.

⁵Aoma, Dirava ena kara ba itaia; ena kara taunimanima bogaragidiai na hahegari karadia.

⁶Davara na tano kaukauna ai e halaoa, taunimanima na aedia amo sinavai e rakaia hanai, unuseni ai ia ta moalelaiava.

⁷lena siahu amo e lohia hanaihanaiamu, ia matana ese bese idau-idau e nenediamu; gwau-hemuri taudia na sibodia basie heaḡi. (Selah)

⁸Bese idau-idau e, emui Dirava ba hanamoa, ia iheatolaina reḡedia bae dae.

⁹Ia ese mauri ai vada e dogomai tao, aemai vada e naridia dainai asie dedi.

¹⁰Badina be, Dirava e, oi ese vada o tohomai; silver e tohoamu na heto vada o tohomai.

¹¹Huo ai vada o abimai, koekoemai vada o hahisidia.

¹²Edia hosi aedia amo e moimai tao taudia na so rudia; lahi amo a raka hanai, bona ranu amo danu. A oi ese gabu namona ai vada o hakaumai lasi.

¹³Lau be ḡole-oho bouboudia na emu dubu ai baina rakalai vareai, egu gwauhamata anidia na oiemu ai baina kara,

¹⁴hisi na ani negana ai bibinagu ese e gwauraia heḡereḡerena, udugu ese e gwauraia hamata na heto.