SALAMO 64:6-10

⁶Idia ese dika do idia karaia ena palani idia karaia noho, bona idia gwau, “Ita ese kerere karana namona momokani ena palani, be ita karaia vadaeni!” Momokani taunimanima edia lalona bona edia kudouna, be mai kerere ena aonega bada danu.

⁷To Dirava ese iena diba dekena amo idia do ia pidia, bona idia be bero do idia davaria haraga.

⁸Badina be edia malana edia dika dainai, idia sibodia ese edia dika do idia havaraia. Bona do idia itadia taudia ibounai ese, edia kwaradia do idia giroagiroa, bona unai dika taudia do idia kirikirilaia.

⁹Vadaeni taunimanima ibounai do idia gari, bona Dirava ena kara do idia laloa, ma idia ese Dirava ena gaukara do idia gwauraia hedinarai.

¹⁰Kara maoromaoro taudia ese, Lohiabada dainai do idia moale bada, bona idia ese Lohiabada dekenai do idia heau mauri. Kudoudia idia maoromaoro taudia ibounai ese, Lohiabada do idia hanamoa bada.