Salamo 63:1-8

¹Eaubada e, oa egu Eaubada ede, eau ea eo’o’eo’oim, earuagu i gadomaguem; taugu maudoina i gadohiem, gonogonoana doha oea esau nige goilana, i pitari ariri eo i amnabaaea.

²Doha em abamia tabuna eai ea itamo, em gigibori eo em namanamari ea itadio.

³Paana oa em gadosisi miatahitahina i sae ariri abotai mauri, eau sopagu eai abo ea hedebasaem.

⁴Egu mauri asubenana lohana eai abo ea ribatausaei, eau nimagu abo ea lauisinidi, eo oa esam eai abo ea aiaiboda.

⁵Earuagu i mata’asi, gonogonoana doha siada aroarodi eo momona ea aiaini, eo awagu i hedebasaem ma kodegu, sopagu eai,

⁶huiana eai wa egu abaeno eai ea nuanuatuim, maiona silasilawana eai ea nuanuatuim,

⁷paana oa agu sagu ede, eo oa mabem loguloguna eai abo ea wana ma nuawoiwoinagu.

⁸Earuagu i patudidini arim eai, oa nima tutum i abiisinigu.