SALAMO 5:4-12

⁴Badina be oi na dia kara dika imoalelaina Diravana; oi dekemu ai dika ta se miamu.

⁵Hekokoroku taudia na oi vairamu ai basie gini; kara dika taudia iboudiai o inai henidiamu.

⁶Koikoi taudia o habuadia tarimu; Iehova ese ala-ala taudia bona koikoi taudia e inai henidiamu.

⁷A lau be emu ruma lalonai baina raka vareai, emu hebogahisi bada-herea bagunai; emu dubu helaḡana baina haḡerea, baina toma diho; oi baina gari henimu.

⁸Iehova e, emu kara maoromaoro ai ba hakaugu, lau inaigu daidiai; Emu dala ba hamaoromaoroa lau vairagu ai.

⁹Badina be asi hereva momokanina ta idia ududia ai; lalodia na kara dika ai eme honu honu dae, gadodia na gara na heto, maladia na e hereva manada-manada koikoimu.

¹⁰Dirava e, edia dika davadia ba henidia; edia lalo-hadai dikadia ese bae hahekwakwanaidia; edia kara dikadia momo daidiai ba negedia daure; badina be idia ese oi vada e gwau tubu henimu.

¹¹Oi e abidadama henimumu taudia na bae moale, bae moale hisi dae ela bona hanaihanai, oi ese o gimadiamu dainai; oi ladamu e ura heniamu taudia ese bae moalelaimu.

¹²Badina be oi ese kara maoromaoro tauna o hanamoamu; Iehova e, emu harihari-bada amo o gimaiamu, kesi na heto.