SALAMO 56:4-11

⁴Ena hereva na imodaiamu Diravana, Dirava mo na abidadama heniamu, asi egu gari; hidio na ede baine karagu toma?

⁵Dina idoinai idia ese egu hereva e hagagevadiamu, edia lalo-hadai iboudiai na lau ihadikagu mo e laloamu.

⁶Idia na e heboumu, e bani taomu, egu raka marere e itaia taomu. Egu mauri iabi-ohona totona vada e narigu heḡereḡerena,

⁷edia kara dika davana unu ba henidia toma. Dirava e, bese idau-idau taudia na mai badumu ida ba tahodia dobi.

⁸Egu loa eva-eva vada o hagaudia, irurumatagu na emu kavabu ai ba udadia; emu buka ai e miamu, ani?

⁹Baina boiboi dinana ai, lau inaigu na ba haloudia. Ina na dibagu, Dirava na lau ida:

¹⁰Dirava, ena hereva na imodaiamu Diravana; Iehova, ena hereva na imodaiamu Diravana.

¹¹Ia mo na abidadama heniamu, asi egu gari; taunimanima na ede bae karagu toma?