SALAMO 51:5-18

⁵Momokani, lau na kara havara ai na vara, bona kara dika ai sinagu ese e havaragu.

⁶Momokani, oi o uramu hereva momokani na lalomai ai baine mia, taunabunai, lalogu ai aonega hehunidia ba hadibagu.

⁷Muramura avana amo ba haḡoevagu, bena baina ḡoevaḡoeva; a hurigu, bena snow ena kurokuro baina hereaia.

⁸Moale bona lalo-namo amo ba hahonugu; vada o hakwaidu turiadia do bae moale.

⁹Vairamu na egu kara dika amo ba hunia, bona egu kara havara iboudiai na ba rohodia.

¹⁰Dirava e, lalo-ḡoevaḡoeva na lalogu ai ba havaraia, bona lauma matamatana bona maoromaorona na lalogu ai bavatoa.

¹¹Oi vairamu amo basio negegu daure; emu Lauma helaḡana na egu amo basio abia oho.

¹²Emu hahemauri moalena na ba henigu lou, bona ura-kwalimu laumana amo bavabigu isi.

¹³Bena emu dala na kara kerere taudia baina hadibalaidia, bona kara dika taudia ese oi bae lou henimu.

¹⁴Dirava e, lau ihamaurigu Diravana, rara ihahebubuna amo ba hamaurigu, bena lau malagu ese ane baine abia badabada, oiemu hahemauri anena.

¹⁵Ḡaubada e, lau bibinagu ba hapapadia, bena udugu ese baine imodaimu.

¹⁶Badina be boubou karadia so moalelaidiamu, ḡole-oho boubouna bama henimu, to basioma moalelaia.

¹⁷Dirava ese e abia daemu boubouna be lauma manauna; Dirava e, lalona e manaumu bona ena dika amo e helalo kerehaim tauna na basio dadaraia.

¹⁸Emu lalo-namo ai Siona ba kara namo henia; Ierusalem maḡuna ba haginia lou;