SALAMO 50:10-23

¹⁰badina be uda ḡaudia iboudiai na lauegu, bona ororo daha-ta boromakaudia danu;

¹¹atai manudia iboudiai be dibagu, tano paka ai e laomu ḡaudia iboudiai na egu.

¹²Bama hitolo, umui basinama hamaoromui; badina be tanobada mai anina idoinai ida na lauegu.

¹³Boromakau mamaruanedia hidiodia na animu a? Nani raradia na inumu a?

¹⁴Hahenamo na Dirava ba henia, emui boubou bunai; emui gwauhamata anidia ihamomokanidia na Herea Mikamika ba henia.

¹⁵Hekwakwanai dinana ai lau ba boi henigu; bena lau ese umui baina hamaurimui, bona umui ese lau ba imodaigu.

¹⁶A kara dika taudia na Dirava ese e hereva henidiamu, e tomu: Badina be dahaka egu taravatu o gwauraimu? Dahaka dainai egu gwauhamata herevadia na udumui bibinadia ai mimia?

¹⁷Badina be mata-hakani o inai heniamu, bona egu hereva na murimui ai o negediamu.

¹⁸Henao tauna o itaiamu negana ai o hetura heniamu; bona heuda-hanai taudia o bamodiamu.

¹⁹Hereva dikadia na udumui amo e lasimu, malamui na hereva koikoidia e gwauraimu;

²⁰o helaimu, tadikakamui o habadelaidiamu, sinamui natudia mamaruanedia o habadelaidia koikoimu.

²¹Ini vada o kara toma, asina hereva; umui banava oto lau na umui heḡereḡeremui. A harihari na gwau henimuimu, egu hahebade na vairamui ai na gwauraiamu.

²²Ina na ba laloa, Dirava o laloa boiomu taumui, baina daremui, bena ta ese basine hamaurimui diba, na garina.

²³Hahenamo e mailaiamu tauna na ena boubou bunai, una tau ese e matauraigumu. Ena mauri dalana e reḡua namonamomu tauna na Dirava ena hahemauri baina haheitalaia.