SALAMO 49:5-10

⁵Dahaka dainai baina gari, hekwakwanai negadia ai, eiava e daḡedaḡe henigumu taudia edia kara dika ese e ḡeḡegu ahumu negadia ai?

⁶Idia ese edia taḡa e abidadama heniamu, edia kohu momo herea e heagilaimu.

⁷Momokani, tau ta sibona basine hehoi lasi diba, ena mauri davana na Dirava basine henia diba;

⁸badina be ena mauri davana na bada herea. Tau ta dia heḡereḡere

⁹ena mauri baine hadaudaua hanaihanai, bona mase gabuna basine itaia.

¹⁰Oibe, ia baine itaia, aonega taudia danu e masemu; kava tauna bona lalo-duhu tauna raruosi bae mase, bona edia taḡa na bae rakatani, haida edia.