SALAMO 48:1-10

¹Iehova na bada; ia ihanamona danu baine bada, eda Dirava ena hanua ai.

²Ena ororo helaḡana dorina na mai hairaina; tanobada idoinai ese ia e moalelaiamu. Siona ororona na dahu ai, mirigini kahana ai; ia na Pavapava badana ena hanua.

³Ena ruma bogaragidiai Dirava eme hedinarai, kohoro na heto.

⁴A itaia! Hanua pavapavadia e hebou, e raka hebouva.

⁵E itaia negana ai e hoa dikadika, laumadia e daure, bena e heau;

⁶unuseni ai taudia e heude-heude, e hisihisi bada danu, hahine e hekamonaimu na heto.

⁷Lai mairiveina amo Tarasisi lagatoidia o huaridia.

⁸Ai a kamonaiva heḡereḡerena vada a itaia danu, Iehova Sabaota ena hanua ai, emai Dirava ena hanua ai, Dirava ese vada e haginia hanaihanai hanuana bunai. (Selah)

⁹Dirava e, emu hebogahisi vada a haeroa, emu dubu helaḡana bogaraginai.

¹⁰Dirava e, oi ladamu e piua e laomu heḡereḡerena, ihanamomu danu e piua e laomu, ela bona tanobada dokodia. Oi imamu idibana na kwalimu ai e honumu;