SALAMO 45:3-17

³Siahu taumu e, emu dare na koekoemu ai bavatoa, mai hairaimu ida bona mai siahumu ida.

⁴Emu hosi ai ba gui, mai siahumu ida baola, ba kwalimu; hereva momokani dainai bona kara maoromaoro igimana totona, imamu idibana ese hahegari karadia baine hadibalaimu.

⁵Emu diba na mai matadia, hanua pavapavana inaina kudoudia ai e hedai kaumu; bese idau-idau taudia na oi henumu ai e ketomu.

⁶Oiemu terono helaḡana e mia hanaihanaimu, oiemu pavapava aurla na hahemaoro auna.

⁷Kara maoromaoro o ura henimu, bona kara dika o inai henimu; taunabunai Dirava, oiemu Dirava, ese vada e horomu, moale dehorona vada e horolaimu, oi bamomu daediai.

⁸Emu dabua amo muro bona aloe bona kasia bonadia e daemu; pavapava edia aivori rumadia amo hatai-hatai ḡaudia ese e hamoalemumu.

⁹Pavapava natudia hahinedia na emu ruma hahinedia bogaragidiai; oi idibamu kahana ai pavapava hahinena mai Ofiri gold dabuana ida gini.

¹⁰Hane-ulato e, a haeroa, a hakala henigu, emu bese taudia bona tamamu ena ruma ba lalodia boio;

¹¹bena hanua pavapavana ese oi hairaimu baine ura henia. Ia na emu lohia dainai ba igo henia diho;

¹²bena Turo ulatodia na herahia bae mailai. bona taḡa herea taudia edia noinoi na oi dekemu bae mailai.

¹³Hanua pavapavana natuna kekenina na mai hairaina, ena daiutu lalonai; ena dabua na gold varodia ai e haheraiamu.

¹⁴Dabua herea-daedia ai ia na hanua pavapavana dekena e hakaua vareaimu, mai bamona, hane-ulato rami-heboudia, ida, ia murinai e rakamu;

¹⁵mai moaledia ida, mai moale-badadia ida e hakaudia laomu, hanua pavapavana ena ruma ai e raka vareaimu.

¹⁶Natumui mamaruanedia ese tamamui bae bolodia, tanobada idoinai lohiadia ai ba halaodia.

¹⁷Oi ladamu baina habadaia, uru iboudiai ese bae imodaia, taunabunai bese idau-idau ese bae hanamomu ela bona hanaihanai.