SALAMO 37:2-13

²Badina be asi vanahana bae utudia, rei na heto; bae kakoro, au raudia na heheto.

³Iehova bavabidadama henia, kara namo ba kara; bena tano ai ba noho, mai mainomu ida.

⁴Iehova ba moalelaia; oi lalomu ena ura ia ese baine henimu.

⁵Oiemu dala idoinai Iehova imana ai bavatoa; ia bavabidadama henia, ia ese baine gaukaralaia.

⁶Oi igwaurai-maoromu ia ese baine hahedinaraia diari na heto; oiemu kara maoromaoro danu dina tubua na heto.

⁷Iehova enai ba laḡa ani, ia ba naria mai haheaukamu ida; Ialomu basine hekwarahi, ena ḡaukara ai e tagamu tauna dainai, eiava ena lalo-hadai dikadia anidia e karamu tauna dainai.

⁸Badu baine mia, daḡedaḡe ba rakatania. Lalomu basio hahekwarahia: una na kara dika e havaraiamu.

⁹Badina be kara dika taudia na bae henege daure; a Iehova e nariamu taudia ese tano bae abia.

¹⁰Asi vanahana kara dika tauna baine puki; ena gabu ba tahua, to basio davaria.

¹¹A manau taudia ese tano bae abia; maino ena harihari-bada idia ese bae moalelaia.

¹²Kara dika tauna ese kara maoromaoro tauna ihadikana daladia e haeromu, gadigadina e hahedai heniamu;

¹³a Ḡaubada ese kara dika tauna e kirikirilaiamu, badina be e itaiamu, ena dina be maimu.