SALAMO 35:19-27

¹⁹Ba durugu, e inai henigu koikoimu taudia ese basie kirikirilaigu, e inai henigu kavamu taudia ese ibunidia basie ha-roro.

²⁰Badina be maino herevadia asie gwauraimu, a tano ai e noho mainomu taudia latadiai na koikoi herevadia e gwauraimu.

²¹Ududia e ahagamu, lau ihadikagu, e tomu “Aha, aha, matamai ese vada e itaia”.

²²Iehova e, vada o itaia; udumu basio hakapua; Iehova e, dahu ai basio noho.

²³Legamu a gadaia, lau ihahemaoro-henigu totona a noga; egu Dirava, egu Ḡaubada, lau ihamaoromaorogu totona a noga.

²⁴Iehova e, egu Dirava, a gvauraigu maoro, oiemu kara maoromaoro heḡereḡerena; bona ba laodia ahu, basie kirikirilaigu.

²⁵Idia na basie hereva heheni, basieto “Aha, eda ura vada ta abia;” ma basieto “Ita ese vada ta hadonoa”.

²⁶Egu hisihisi e moalelaiamu taudia na ba hahemaraidia bona ba dadaraidia vaitani; edia daḡedaḡe egu ai e habadaiamu taudia na hemarai bona hedadarai amo ba ḡovadia.

²⁷Igwaurai-maorogu e uramu taudia na bae hisi dae bona bae moale; bae hereva hanaihanai, baeto “Iehova na herea, ia ese ena hesiai tauna ihanamona e moalelaiamu”.