SALAMO 35:14-20

¹⁴na ḡuriḡuri igo-diho, turagu eiava tadikakagu taina bama tai na heto; na loa eva-eva, sinana e tailaiamu tauna na heto, na igo diho, na tai noho tai noho.

¹⁵A lau na hekwakwanai negana ai na idia na e moale hebouva, lau ihadikagu totona e hegogova; idau taudia, asi dibagu taudia, na lau ihadikagu totona e hebouva, e ihi-ihiraiguva asi dokona.

¹⁶Dirava asie matauraiava taudia ese e hevaseha henigu loulouva, gadigadidia e hahedai heniguva.

¹⁷Ḡaubada e, ba herarai tao ela bona edena nega ai? Laumagu na edia ala-ala amo ba hamauria, egu mauri na leona edia amo ba rauaia;

¹⁸bena hebou badana lalonai baina hanamomu, hutuma bada bogaragidiai baina imodaimu.

¹⁹Ba durugu, e inai henigu koikoimu taudia ese basie kirikirilaigu, e inai henigu kavamu taudia ese ibunidia basie ha-roro.

²⁰Badina be maino herevadia asie gwauraimu, a tano ai e noho mainomu taudia latadiai na koikoi herevadia e gwauraimu.