Salamo 2:2-9

²Tanoubu wasawasadi se totoro‐lelei, tanutanuaga hinage se oiribagogoesega GUIAU bena se laugudugudui eo ena heyausi tauna, si ene,

³“Edi auau ta oimotudi, eo edi maina poasi ta gabahesuaradi!”

⁴Ia galewa eai ie mia abo i maruhi; GUIAU ia abo i alaliuliuwaedi.

⁵Abotai ma ouyalayalana abo i ribalau aridi eai, ena ouyalayala eai abo i hematausi aririedi, abo i ene,

⁶“Eau egu wasawasa ea hetoroyao wa egu oea tabuna Siona tupina arinai.”

⁷GUIAU ena laugagaeo ribana abo ea heribamiu: I ribalaoma i ene, “Oa natugu ede, wauta ea hemala oa tamam.

⁸U aibodalaoma, abo eanua gamagaridi taumiaidi ea lediwa em gogo, eo tanoubu maudoudoina abo oa enam.

⁹Oa abo u hetamogorugorudi poasi tu’ena arinai, abo u oigorugoru hegahegagiridi doha gulewa.”