SALAMO 26:1-11

¹Iehova e, ba gwauraigu maoro, badina be vada na raka mai maoromaorogu ida, bona Iehova vada na abidadama henia, asi egu daradara.

²Iehova e, ba tahugu, ba dibagu; lalogu bona daragu ba dibadia.

³Badina be emu hebogahisi na lau matagu ai, bona oi iabidadama-henimu karana ai na rakamu.

⁴Koikoi taudia ida asina helaimu, bona boga-alaga taudia ida asina raka heboumu;

⁵kara dika taudia edia hebou na inai heniamu, bona kara havara taudia ida basina helai hebou.

⁶Ialo-ḡoevaḡoeva ai lau imagu na huriamu; Iehova e, emu ihaboulaina patana na rakaia heḡeḡemu,

⁷oi ihanamolaimu anena na lololaiamu, bona oiemu hoa karadia iboudiai na gwauraidiamu.

⁸Iehova e, oi o noholaiamu rumana na ura heniamu, oi hairaimu e miamu gabuna na lalokau heniamu.

⁹Kara dika taudia ida basio darogu tabe, egu mauri danu rara e hahebubuamu taudia ida basio bibia tabe;

¹⁰idia imadia na kara dikadia ai e honumu, imadia idibadia na koikoi karadia davadia ai e honumu.

¹¹A lau be egu kara maoromaoro ai na rakamu; ba hamaurigu, ba bogagu hisi.