SALAMO 25:2-16

²egu Dirava e, lau oi na abidadama henimumu. Ba durugu, hemarai na basine abigu; ba durugu, inaigu na basie herouheroua latagu ai.

³Oibe, e narimumu tauna ta basie hahemaraia; a asi badina e tao toremu taudia vada bae hahemaraidia.

⁴Iehova e, emu kara ba haheitalaigu, emu dala ba hadibalaigu.

⁵Emu hereva momokanidia ai ba hakaugu, ba hadibagu, badina be oi na lau ihamaurigu Diravana; oi na narimumu dina idoinai.

⁶Iehova e, emu hebogahisi ba laloa, emu lalokau ba laloa tao; badina be idia na nega gunadia amo e hemailaimu.

⁷Tauhaugu negana ena kara dika na basio Ialoa tao, eiava egu kara havara danu; Iehova e, lau ba lalogu tao, emu hebogahisi dainai.

⁸Iehova na namo bona maoromaoro; taunabunai ia ese kara dika taudia na dala ai e hadibadiamu.

⁹Ia ese lalo-manau taudia na kara maoromaoro ai e hakaudiamu, lalo-manau taudia na iena dala e hadibalaidiamu.

¹⁰Iehova ena dala iboudiai na hebogahisi bona momokani daladia, ena taravatu bona ena hahediba herevadia e badinadiamu taudia edia.

¹¹Iehova e, oi ladamu dainai egu kara dika ba gwau tao, badina be vada e bada.

¹²Iehova garina e garimu tauna be daika? Iehova ese ia baine hadibaia, edena dala baine abia hidi.

¹³Ia na taḡa ai baine noho, bona ia natuna ese tano bae abia, edia.

¹⁴Iehova ena hetura na ia garina e garimu taudia edia; ia ese ena taravatu baine hadibalaidia.

¹⁵Matagu ese Iehova e haḡereamu, badina be ia ese lau aegu na huo amo baine veridia oho.

¹⁶A haḡeregu, a bogagu hisi; badina be lau na sibogu, bona na hisihisimu.