Salamo 22:2-12

²Eaubada e, asubena huiadi eai ea dousaewa, na nige u heuio, maiona huiadi eai hinage, na nige aiawasi ea lobai.

³Iamo oa tabuna ede, oa se hebawam Isaraela edi aihelahui potadi eai.

⁴Tamamaiyao oa se sunumaem, se sunumaem arinai oa u lebohaidi.

⁵Se doulaowa, eo se mauri; oa se sunusunumaem, eo nige u laudobiedi.

⁶Na eau motamota mo na nige tau; tatao se subugu, dodoga se isuewaegu,

⁷Isi gamagaridi se itagu eo se alaliuliuwaegu, adi ao se hebaaeadi arigu eai, eo urudi se heodedi:

⁸“Ena sunuma ie tore GUIAU arinai; besi ia i lebohai! Hage ia i saguhai, paana ena nualolo ia arinai!”

⁹Omihede oa ede sinagu bogana eai u abihaigu; sinagu susuna eai oa u itawataigu.

¹⁰Egu huia labasi eai i laoma e wauta oa u itawataigu, sinagu bogana eai i laoma e huia ta oa egu Eaubada ede.

¹¹Tabu oa eda lohaloha eai, paana huia baaea i hanahanauma, eo nige doga esau bena i saguigu.

¹²Bulumakau tamoadi gamagaridi se torohetai’irigu; Basana edi bulumakau adiadidiridi se torohetai’irigu;