SALAMO 19:2-10

²Dina ta ese dina ta e herevalai heniamu; hanuaboi ta ese hanuaboi ta enai iena aonega e gwauraimu.

³Asi hereva ta, asi gado ta; eredia na se hekamonaimu.

⁴A reḡedia na tanobada idoinai vada ela; edia hereva na tanobada dokona ai vada e kau. Idia ediai ia ese dina ena kalaga vada e atoa,

⁵dina na e raka lasimu, headava matamata tauna na ena ruma amo e raka lasimu na heto; goada tauna na heto ia na ena dala ai e heaumu mai moalena ida.

⁶Guba dokona ta amo e daemu, e hanaimu bona guba dokona ta; ḡau ta na ia siahuna amo basine komu diba.

⁷Iehova ena taravatu vada e namo ḡuḡuru; ia ese lauma e hamauria loumu. Iehova ena hahediba herevana vada e momokani; ia ese asi aonegana tauna na e ha-aonegaiamu.

⁸Iehova ena hahedua herevadia vada e maoromaoro; ia ese taunimanima lalodia e hamoalediamu. Iehova ena haheḡani vada e ḡoevaḡoeva; ia ese taunimanima matadia e hapapadiamu.

⁹Iehova imatauraina vada e ḡoevaḡoeva, e mia hanaihanaimu. Iehova ena hahemaoro vada e momokani, bona vada e maoromaoro.

¹⁰Edia namo ese gold ena namo e hereaiamu, gold ḡoevaḡoevadia momo edia namo e hereadiamu. Edia gaiho ese bada ranuna e hereaiamu, labolabo edia ruma amo e hetuturu dobimu ḡauna.