SALAMO 16:1-11

¹Dirava e, a hamaurigu, badina be oi na abidadama henimumu.

²Iehova na hereva heniamu, na tomu “Oi na egu Ḡaubada, asi egu namo idauna ta, egu namo na oi mo emu ai”.

³Tanobada ena helaḡa taudia na heherea-dadae, lau ese na moalelaidiamu.

⁴Dirava idauna e abia hidimu taudia ese edia lalo-hisihisi e habadaiamu; edia inuinu bouboudia na rara, a lau be basina sei nege, ladadia na udugu bibinadia amo basina gwaurai.

⁵Iehova vada na abia hidi, lau ahugu bona lauegu kehere; oi ese lau ahugu o gimaiamu.

⁶Egu dala na gabu namodia amo e laomu; oibe, lau ahugu na namo herea.

⁷Iehova na hanamoamu, ia ese e hahealo henigumu; hanuaboi lalonai lau lalogu ese e hadibagumu.

⁸Iehova na vairagu ai na atoamu nega idoinai; badina be ia na lau idibagu kahana ai dainai lau na basina marere.

⁹Taunabunai, lalogu na e moalemu, bona laumagu na e hisi daemu; tau-anigu danu e noho namonamomu.

¹⁰Badina be oi ese basio kahugu nege, mase taudia edia gabu ai; e matauraimumu tauna na guri basio haheitalaia.

¹¹Mauri dalana oi ese o haheitalaigumu; oi vairamu ai moale e ḡuḡurumu, oi imamu idibana ai moale ḡaudia na e mia hanaihanaimu.