Salamo 146:3-9

³Wasawasa tabu au sunumaedi, tanoubu tauna hinage tabu au sunumaei, ia arinai nige aba haisagusagu.

⁴Ia eawasina ie ohi abo i uio i hemala tanouio; meta asubenana ne ena nuatu se lautom.

⁵Tau ne ie kode, ia wa tausaguina ede Iakobo ena Eaubada, ena sunuma ie tore GUIAU ena Eaubada arinai,

⁶ia galewa eo tanoubu tauginauridi gabogabo hinage, ma ginauri gamagamagarina; ena riba i otaesegai i lau e nige nosina;

⁷abidudurai i hemasaraha isi se heamamnadi aridi eai; eo tau guriguriam ia aiai adi i mosedi. Tatao auaudi GUIAU i eairihaidi se lau;

⁸GUIAU matagibugibu tataodi matadi i helaladi. Tatao nuadi se porohe nuadi i hemamaradi; GUIAU laulau‐dudurai tataodi i gadosisiedi.

⁹Taulaolaoma tataodi GUIAU i itawataidi; wabuwabu eo dabudabure i abididinidi; na laulau gewagewa tauna ena dobila i hetatagorigori.