Text copied!
CopyCompare
RIBA HARIHARIUNA - Salamo - Salamo 145

Salamo 145:3-10

Help us?
Click on verse(s) to share them!
3GUIAU ia i sae ariri, ia hedebasaena ie lai, eo saesaena nige tau esau gonoana i eo’oi.
4Isi esau isi esau aridi eai am paisoa abo se hedebasaei, em gigibori laulaudi se ribahemasarahadi.
5Em wasawasa ana ao lolona eo em gigibori namanamarina, eau nuagu eai abo ea nuanuatuidi.
6Oa em laulau matamatausidi ma gigiboridi, tatao abo se ribahemasarahadi, eo em abiabi saesaedi abo ea guguiaei.
7Oa em abilolo saesaena wasana abo se ribaribaei, em laulau duduraidi abo se wanawanaidi.
8GUIAU ena ainauia i lai ariri eo ena nuatoatoa hinage, ena ouyalayala nige i heula, ena gadosisi miatahitahina hinage i lai ariri.
9GUIAU ena abi se lolo tatao gamagaridi aridi eai, eo ginauri gamagaridi ia i hetubudi meta i nuatoatoaedi.
10GUIAU e, nimam ginauridi gamagaridi wa abo se lautoiem, em taumiatahitahi tataodi gamagaridi abo se ribatausaem!

Read Salamo 145Salamo 145
Compare Salamo 145:3-10Salamo 145:3-10