SALAMO 144:3-13

³Iehova e, taunimanima be dahaka oi ese o haḡereamu? Taunimanima natuna be daika, oi ese o laloamu?

⁴Taunimanima na hahodi tamona na heto, ena mauri dinadia na ikerukeru e hanaimu na heto.

⁵Iehova e, emu guba ba haevaia, ba diho. Ororo ba daudia toho, bena bae ara;

⁶kevaru ba hakevarua isi, ba hakarohodia rohoroho; emu diba ba kinodia, ba hadareredia.

⁷Imamu na atai amo ba toia dobi, ranu momo lalodia amo ba rauagu bona ba hamaurigu, bona idau bese taudia imadia amo danu.

⁸Idia ududia ese koikoi herevadia e gwauraimu, idia imadia idibadia na idiba koikoidia.

⁹Dirava e, ane matamatana baina abia emu, varo-gwauta gitarana baina hataia, oi ihanamomu.

¹⁰Oi ese pavapava na kwalimu o henidiamu, oi ese emu hesiai tauna David o hamauriamu.

¹¹Dare mai hisina amo ba hamaurigu, bona idau bese taudia imadia amo ba harohogu mauri; idia ududia ese koikoi herevadia e gwauraimu, bona imadia idibadia na idiba koikoidia.

¹²Natuda mamaruanedia na maraḡidia amo bae bada oho bada oho, au babada na heheto; bona natuda hahinedia daiguni dudia na heheto, vada e utu, pavapava ena ruma ḡaudia.

¹³Eda roge na bae honu honu dae, aniani ḡaudia idau-idau amo; eda mamoe na natudia daha daha bae havaradia, eda rei gabudia ai bae gerebu gerebu.