SALAMO 141:5-8

⁵Tau namona ese ena hebogahisi ai baine kwadigu eiava baine gwau henigu be namo, a kara dika taudia edia dehoro amo nega ta kwaragu basie horoa; badina be nega idoinai edia kara dika ilao-ahudia ḡuriḡuridia na gwauraimu.

⁶Bae revadia taudia imadia ai bae kau negana ai, lalodia na bae parara, Iehova ena hereva na momokani.

⁷Haga nadina na ta hamakohiamu, tano ai ta ḡiḡia rohorohomu na heto, idia turiadia na unu bae karadia toma, mase gabuna iduarana ai.

⁸Ḡaubada Iehova e, lau oi na hageremumu; oiemu ai na roho maurimu; asi igimagu ai basio rakatanigu.