SALAMO 139:2-15

²egu helai diho, egu tore isi, oi dibamu; dauha amo egu lalo-hadai o dibadiamu.

³Egu raka o itaia taomu, egu hekure diho danu; egu kara iboudiai na oi dibamu.

⁴Malagu ese hereva ta do se gwauraia negana ai, Iehova e, una hereva na vada o diba vaitani.

⁵Oi ese o gunalaigumu, o gabelaigumu, imamu na latagu ai vada o atoa kau.

⁶Aonega enehetomana na hoalaia badamu; ia na atai ai, idavarina na asi dibagu.

⁷Oi Laumamu ena amo lau ede bainala? Oi vairamu ena amo lau ede baina heau henia?

⁸Guba ai bama dae, to oi na unuseni ai; mase taudia edia gabu ai egu geda bama lahaia, ai danu.

⁹Daba hanina bama abi, bama roho lao, gadobada daudauna ai bama hanoho,

¹⁰unuseni ai danu oi imamu ese bema hakaugu, oi imamu idibana ese bema dogogu tao.

¹¹Bama toma “Dibura ese baine gorugu ahu, bona e ḡeḡegu daemu diarina na baine dibura”;

¹²to, dibura na dia dibura oiemu ai, hanuaboi eme diari dina heḡereḡerena; badina be dibura bona diari na heḡereḡere oiemu ai.

¹³Oi ese taugu anina o karaia, sinagu bogana ai o karagu.

¹⁴Na imodaimumu, badina be oi na mai garimu bona mai hoamu; emu kara na hoa ḡaudia. Oi na dibamu herea lau;

¹⁵gabu hehunina ai taugu e hekara; tanobada ena dobu gabudia ai e hekara ḡoevaḡoeva negana ai, taugu anitarana na emu amo se hehuni.