Salamo 139:11-20

¹¹Ena ea ene, “Masigiri taba i bubulitawaigu, eo mara arigu eai i hemala maiona,”

¹²taiede masigiri oa arim eai nige i masigiri, maiona ie mara doha asubena; paana masigiri gonogonoana doha mara oa matam eai.

¹³Taugu boeana oa u ginauri, sinagu bogana eai eaugu gamagaridi oa u hepatuesegaidi.

¹⁴Ea hedebasaem, paana oa u nuamatamatausi eo oa no’ono’om. Nimam ginauridi hinage no’ono’odi. Oa abigu u ata ariri!

¹⁵Taugu nige i otayamui oa arim eai, huiana wa eamuyamui eai se ginaurigu, tano boeana eai se ginauri komakomanigu.

¹⁶Bulumagu sora nige se ginauri, oa matam se itaguo; oa em buka eai egu asubena gamagaridi se uri nonohaidio, huiana eai wa sora nige se labasigu.

¹⁷Oa em nuatu se sae ariariri, GUIAU e! Se gamagari ariariri hinage!

¹⁸Ena ea hasiridi gamagarina gelegele i dioi. Ena ea enotoro oa hinage gegesigu eai.

¹⁹Eaubada e, taba laulau gewagewa tataodi u unuidi mo, taba taunimaosina tataodi hinage se torohaigabaegu,

²⁰tatao wa ma nuatu baabaaeadi se awayagalaem, baaea debana eai se oioipiriem!