SALAMO 123:1-3

¹Matagu na roha isimu oiemu ai, guba ai emu terono ai o helaimu Diravana e!

²Hesiai taudia matadia ese biagudia imana e raraia taomu eiava hesiai kekenina matana ese biaguna hahinena imana e raraia taomu na heto, ita matada ese Iehova, eda Dirava, unu ta raraia tao tomamu, ela bona ia ese baine bogada hisi.

³A bogamai hisi, Iehova e, a bogamai hisi, badina be taunimanima ese vada e kirikirilaimai ai vada a hesiku.