Sabóor 81:1-12

¹Mu jëm ci njiital jàngkat yi, giiroo ci Asaf, te ànd ak xalam gu ñuy wax gitiit.

²Sarxolleleen ci Yàlla, mi nuy dooleel; xaaculeen ci Yàllay Yanqóoba.

³Yékkatileen woy te jiin, xalam neex, ànd ak moroom ma.

⁴Wal-leen liit gi ci Terutel weer wi, ak weer wu birale bésu màggal.

⁵Loolu wartéefu Israyil la, di ndigalu Yàllay Yanqóoba,

⁶di ndénkaane lu mu dénk waa kër Yuusufa, ba Yàllay dali ca kaw réewum Misra. Baat bu ma xamul laa dégg, mu naan:

⁷«Sippi naa leen, woyofal seeni yoxo.

⁸Ngeen jàq, woo ma, ma xettli leen, wuyoo leen fa kiiraayal dënn ya, te maa leen nattoo fa wal ma ca Meriba. Selaw.

⁹Yeen sama ñoñ, dégluleen, ma dénk leen. Éy Israyil, su ngeen ma déglu woon!

¹⁰Buleen fat tuuru jaambur, buleen sujjóotal tuuru doxandéem.

¹¹Man, Aji Sax ji, maay seen Yàlla ji leen yékkatee réewum Misra. Ŋaleen ŋafeet, ma reggal leen.

¹²«Waaye sama ñoñ déggaluñu ma, Israyil gii nangulu ma.