Sabóor 7:1-10

¹Muy woyu njàmbat, ñeel Daawuda. Mu woyaloon ko Aji Sax ji ci mbirum kàddu yu tukkee woon ca Kuus, ma bokkoon ci giirug Beñamin.

²Éy Aji Sax ji, sama Yàlla, yaw laay làqoo! Musal ma, xettli maak ñi may dàq ñépp.

³Lu ko moy ñu fàdd ma ni gaynde, daggate ma te kenn du wallu.

⁴Aji Sax ji sama Yàlla, ndegam maa def lii, ndegam maa taq fenn lu ñaaw,

⁵ndegam ku ma jàmmal laa feye aw ay, mbaa ma dimbali ku ko noonoo te defu ko dara,

⁶yal na ma noon rëbb, dab ma, dëggaate ma, sàggi saab sag, tëral ci pëndub suuf. Selaw.

⁷Aji Sax ji, meral, jóg, dajeel maak xadaru noon yi! Ngalla teewlu ma; yaw, yoon nga santaane.

⁸Yal na xeet yi daje, wër la, nga délsi tiim leen fu kawe.

⁹Yal na Aji Sax ji àtte xeet yi; Aji Sax ji, seetal ci sama njubteek sama maandute te dëggal ma.

¹⁰Yal na mbonug ku bon tees, te nga saxal kuy def njekk. Yaw Yàlla Boroom njekk, yaay natt xel ak xol.