Sabóor 71:1-13

¹Aji Sax ji, yaw laa làqoo, yàlla buma rus mukk.

²Xettlee ma sa njekk, yiwi ma; ngalla teewlu ma, te wallu ma.

³Yal nangay sama cëslaay, sama rawtu bu may rawesi saa su ne, te nga dogal sama mucc. Yaw yaa may téye, di ma aar.

⁴Éy sama Yàlla, musal ma ci dooley ku bon ak ab saaysaay ak ab néeg.

⁵Boroom bi, Aji Sax ji, yaw de laa yaakaar, dale laa wóolu ba may ndaw.

⁶Yaw laa wéeroo ba may juddu; yaw yaa ma roccee sama biiru ndey. Yaa yelloo sama cant fàww.

⁷Firndey alkànde la ma ñu bare xoole woon, te yaw ngay sama rawtu bu wóor.

⁸Samay kàddu sag cant la fees ak di la saxoo darajaal.

⁹Ngalla bu ma wacc, mag laa; bu ma ba fi doole jeexe.

¹⁰Noon yaa nga may tooge, ñi may tëroo ngay diisoo,

¹¹naan: «Yàlla wacc na ko, nan ko dàq, jàpp; kenn du ko wallu.»

¹²Éy Yàlla, bu ma sore. Sama Yàlla, gaawe ma.

¹³Samay seytaane, yal nañu leen rusloo, sànk leen. Ñi may wuta lor, yal nañu leen gàcceel, sewal leen.